अंतरातला काहुरजाळ
अनावर उफाळला
अंधारभरल्या विश्वाच्या
आदिभयासह नृत्य करीत,
अक्राळविक्राळ थैमान घालीत
अचकट विचकट हास्य करीत
असभ्यतेचा हात धरून
असह्य वणवा पसरित,
अबोध सहनशीलता
अन्यायाच्या टाचेखाली चिरडली
अस्तित्वाचा पोरखेळ झाला
अन् मर्यादा अमर्याद झाली,
अग्निज्वाला धडाडल्या
अणुस्फोटांनी चिंधड्या उडवल्या
अगणित ज्वालामुखी जागे झाले
असाधारण समूर्त होऊ लागले,
अनिलाची झुळझुळ मालवली
आल्हादस्वर दुभंगले
अंशुमानाची तेजस्वी किरणे धुरकटली
आदिनाथाचे तांडवही उणावले,
अनिकेत
अनिर्बंध
असहाय्यतेने
अविनाशही हादरला...
- श्रीपाद कोठे
नागपूर
अनावर उफाळला
अंधारभरल्या विश्वाच्या
आदिभयासह नृत्य करीत,
अक्राळविक्राळ थैमान घालीत
अचकट विचकट हास्य करीत
असभ्यतेचा हात धरून
असह्य वणवा पसरित,
अबोध सहनशीलता
अन्यायाच्या टाचेखाली चिरडली
अस्तित्वाचा पोरखेळ झाला
अन् मर्यादा अमर्याद झाली,
अग्निज्वाला धडाडल्या
अणुस्फोटांनी चिंधड्या उडवल्या
अगणित ज्वालामुखी जागे झाले
असाधारण समूर्त होऊ लागले,
अनिलाची झुळझुळ मालवली
आल्हादस्वर दुभंगले
अंशुमानाची तेजस्वी किरणे धुरकटली
आदिनाथाचे तांडवही उणावले,
अनिकेत
अनिर्बंध
असहाय्यतेने
अविनाशही हादरला...
- श्रीपाद कोठे
नागपूर
कोणत्याही टिप्पण्या नाहीत:
टिप्पणी पोस्ट करा