अद्वैत साधायचंय मला
आपलंच आपल्याशी
अस्तित्वाच्या गाभार्यात
अरुपाचं रुपाशी
आनंदाचा मुखवटा घालणार्याचं
आसवांची सोबत करणार्याशी
अंधारगुहेत हरवलेल्याचं
आकाशझेप घेणार्याशी
अनवट वाटा चालणार्याचं
आर्त टाहो फोडणार्याशी
असाध्य स्वप्ने पाहणार्याचं
अचानक कोसळून पडणार्याशी
अपूर्व मानसचित्रांचं
अनाकलनीय वास्तवाशी
अमानुष मानसक्रीडेचं
अजोड रसिकतेशी
अहंकारी पौरुषाचं
अलिप्त मार्दवाशी
अडखळणार्या शब्दांचं
अल्लड भावनांशी
अंगाईच्या स्वरांचं
आभामयी बंदीशींशी
आभासी जगण्याचं
आशयघन जीवनाशी
अद्वैत साधायचंय मला
आपलंच आपल्याशी
- श्रीपाद कोठे
नागपूर
आपलंच आपल्याशी
अस्तित्वाच्या गाभार्यात
अरुपाचं रुपाशी
आनंदाचा मुखवटा घालणार्याचं
आसवांची सोबत करणार्याशी
अंधारगुहेत हरवलेल्याचं
आकाशझेप घेणार्याशी
अनवट वाटा चालणार्याचं
आर्त टाहो फोडणार्याशी
असाध्य स्वप्ने पाहणार्याचं
अचानक कोसळून पडणार्याशी
अपूर्व मानसचित्रांचं
अनाकलनीय वास्तवाशी
अमानुष मानसक्रीडेचं
अजोड रसिकतेशी
अहंकारी पौरुषाचं
अलिप्त मार्दवाशी
अडखळणार्या शब्दांचं
अल्लड भावनांशी
अंगाईच्या स्वरांचं
आभामयी बंदीशींशी
आभासी जगण्याचं
आशयघन जीवनाशी
अद्वैत साधायचंय मला
आपलंच आपल्याशी
- श्रीपाद कोठे
नागपूर
कोणत्याही टिप्पण्या नाहीत:
टिप्पणी पोस्ट करा