तोडीच्या प्राजक्तस्वरांचा सडा शिंपित
भूपाळीची प्रसन्न रांगोळी रेखित
भटियारचे मंगल तोरण बांधित
दिवाळी दारोदारी येवो...
आसावरीशी फुगडी खेळत
सारंगाचा पाहुणचार घेत
दिवाळी घरोघरी बागडो...
यमनाची पूजा करीत
केदाराचा शंखनाद घुमवित
पुरियाचा घमघमाट पसरित
दिवाळी घरोघरी नांदो...
मारव्याची हुरहुर लावून
मालकंसाची धुंदी चढवून
हंसध्वनिचे रेशीम चांदणे पसरून
दिवाळी निरोप घेवो...
- श्रीपाद कोठे
नागपूर
भूपाळीची प्रसन्न रांगोळी रेखित
भटियारचे मंगल तोरण बांधित
दिवाळी दारोदारी येवो...
आसावरीशी फुगडी खेळत
सारंगाचा पाहुणचार घेत
दिवाळी घरोघरी बागडो...
यमनाची पूजा करीत
केदाराचा शंखनाद घुमवित
पुरियाचा घमघमाट पसरित
दिवाळी घरोघरी नांदो...
मारव्याची हुरहुर लावून
मालकंसाची धुंदी चढवून
हंसध्वनिचे रेशीम चांदणे पसरून
दिवाळी निरोप घेवो...
- श्रीपाद कोठे
नागपूर
कोणत्याही टिप्पण्या नाहीत:
टिप्पणी पोस्ट करा