नको होतं मला काहीही,
फक्त द्यायचं होतं तुला
असेल नसेल ते
उधळून टाकायचं होतं तुझ्यावर,
मी ओंजळही ऊचलली
तुझ्यावर फुले उधळण्यासाठी
अन् त्याच क्षणी
तू छाटून टाकले माझे दोन्ही हात
......... निर्दयपणे...
नको होतं मला काहीही
गायची होती
केवळ तुझीच गाणी
मी तान घेतलीही
अन् त्याच क्षणी
तू हासडून टाकली माझी जीभ
......... क्रूरपणे...
नको होतं मला काहीही
फक्त तुलाच पाहात राहायचं होतं
जन्मभर
मी नेत्रही वळवले तुझ्याकडे
अन् त्याच क्षणी
तू फोडून टाकले माझे नयन
......... निर्ममपणे...
नको होतं मला काहीही
फक्त साठवून ठेवायचं होतं
तुला आयुष्यभर,
मनाची कवाडे उघडलीही
मी सताड
अन् त्याच क्षणी
चोळामोळा करून फेकून दिलंस
तू माझं मन उकीरड्यावर
......... थंडपणे...
अजूनही... अजूनही...
मला माफ करायचंय तुला
पण... ... ??? !!!
- श्रीपाद कोठे
नागपूर
फक्त द्यायचं होतं तुला
असेल नसेल ते
उधळून टाकायचं होतं तुझ्यावर,
मी ओंजळही ऊचलली
तुझ्यावर फुले उधळण्यासाठी
अन् त्याच क्षणी
तू छाटून टाकले माझे दोन्ही हात
......... निर्दयपणे...
नको होतं मला काहीही
गायची होती
केवळ तुझीच गाणी
मी तान घेतलीही
अन् त्याच क्षणी
तू हासडून टाकली माझी जीभ
......... क्रूरपणे...
नको होतं मला काहीही
फक्त तुलाच पाहात राहायचं होतं
जन्मभर
मी नेत्रही वळवले तुझ्याकडे
अन् त्याच क्षणी
तू फोडून टाकले माझे नयन
......... निर्ममपणे...
नको होतं मला काहीही
फक्त साठवून ठेवायचं होतं
तुला आयुष्यभर,
मनाची कवाडे उघडलीही
मी सताड
अन् त्याच क्षणी
चोळामोळा करून फेकून दिलंस
तू माझं मन उकीरड्यावर
......... थंडपणे...
अजूनही... अजूनही...
मला माफ करायचंय तुला
पण... ... ??? !!!
- श्रीपाद कोठे
नागपूर
कोणत्याही टिप्पण्या नाहीत:
टिप्पणी पोस्ट करा