आज आपल्या मैत्रीचा
पहिला वाढदिवस!
केवढीशी होती?
आणि, आता चांगलं
बाळसं धरलंय...
उभी राहते
स्वत:च्या दोन पायांवर
गुडगुडी न घेता...
आता पावलं टाकेल
धावेल दुडूदुडू
मग पडेल बुदुक बुदुक
पायांना खरचटेल
लागेल, रडेल...
त्याला देवाजवळच्या दिव्यातलं
मुर्दाड तेल लावून
फू-फू करून
फुंकर घालू आपण
आणि
जमिनीवर पाय आपटून
हा~~त्ते पण करू...
मग आपली मैत्री
खुदकन हसेल अन्
बागडू लागेल पुन्हा...
हळूहळू मोठी होईल ती
खूप मोठी...
हट्ट करत करत
लाडावून घेत घेत
लळा लावत लावत...
आभाळाला हात पुरवेल
आणि?
भुर्रकन उडून जाईल का?
नाही, नाही
ती खूप समजूतदारही होईल...
आपण तिला खूप जपायला हवं...
आपण जपू तिला...
तुझ्या डोळ्यातलं
थोडंसं काजळ काढून
तीट लाव नं तिला...
कुणाची दृष्ट लागू नये म्हणून...
लावशील नं तीट?
- श्रीपाद कोठे
नागपूर
पहिला वाढदिवस!
केवढीशी होती?
आणि, आता चांगलं
बाळसं धरलंय...
उभी राहते
स्वत:च्या दोन पायांवर
गुडगुडी न घेता...
आता पावलं टाकेल
धावेल दुडूदुडू
मग पडेल बुदुक बुदुक
पायांना खरचटेल
लागेल, रडेल...
त्याला देवाजवळच्या दिव्यातलं
मुर्दाड तेल लावून
फू-फू करून
फुंकर घालू आपण
आणि
जमिनीवर पाय आपटून
हा~~त्ते पण करू...
मग आपली मैत्री
खुदकन हसेल अन्
बागडू लागेल पुन्हा...
हळूहळू मोठी होईल ती
खूप मोठी...
हट्ट करत करत
लाडावून घेत घेत
लळा लावत लावत...
आभाळाला हात पुरवेल
आणि?
भुर्रकन उडून जाईल का?
नाही, नाही
ती खूप समजूतदारही होईल...
आपण तिला खूप जपायला हवं...
आपण जपू तिला...
तुझ्या डोळ्यातलं
थोडंसं काजळ काढून
तीट लाव नं तिला...
कुणाची दृष्ट लागू नये म्हणून...
लावशील नं तीट?
- श्रीपाद कोठे
नागपूर
कोणत्याही टिप्पण्‍या नाहीत:
टिप्पणी पोस्ट करा