कशी होतीस गं आई तू ?

सांजवेळी तुळशीजवळ
दिवा लावताना,
दुडू दुडू धावणार्या पिल्लामागे
घास हाती घेउन पळताना,
दारात लेकरांची
वाट पाहत उभी असताना,
देवघरातल्या समईच्या प्रकाशात
मंद हसताना,
स्वयंपाकासाठी भाजी चिरताना,
बक्षीस मिलालेल्या पाडसाला
मिठीत घेउन गालगुच्चा घेताना,
... असं खूपदा पाहिलंय तुला
कथांमध्ये,
कादंबरीत,
कवितेत,
चित्रपटात,
आणि आजूबाजूलाही...
पण खरंच
कशी होतीस गं आई तू ?

- श्रीपाद कोठे
नागपूर