अरे, ती आली...

अरे, ती आली...
ती दुरून दिसली आणि
खसखस पिकली
कोणी शेरेबाजी केली
कोणी खुसुखुसू केले
कोणी गालातच हसले
कोणी बोटे मोडली
कोणी नजर फिरवली
कोणी तान गिरवली
कोणी पाठ फिरवली
कोणी वाट निरखली....
तिच्या घरी दोघेच
ती आणि तिचा लहान मुलगा....
आज संध्याकाळी
मी तिला पाहिलं
तुळशीजवळ दिवा लावून
नमस्कार करताना
आणि नंतर
मुलाला घास भरवताना...
तिला असं कुणीच पाहिलं नव्हतं
मी आज पाहिलं
त्याच क्षणी तिनेही पाहिलं
मला नजर झुकवताना...

- श्रीपाद कोठे
नागपूर