विश्वास !!

ठाऊक आहे तुला?
माझ्याजवळ काय आहे?
माझ्याजवळ आहेत
अणुबॉम्ब हजारोंच्या संख्येत;
माझ्याजवळ आहेत
शस्त्र अस्त्र... सहस्र;
माझ्याजवळ आहेत
पैसे... जग विकत घेण्यासाठी;
माझ्याकडे आहे
तंत्र, मंत्र, विज्ञान, बुद्धी;
माझ्याजवळ आहे
माणसांचे थवे असंख्य;
माझ्याजवळ आहेत
संस्था, रचना, व्यवस्था;
काय आहे तुझ्याजवळ???
विश्वास !!!
तुझं हे सारं सामर्थ्य
तुझं हे सारं कौशल्य
तुझं सारं सारं
मला संपवू शकत नाहीत
कधीच...
बस,
माझ्याकडे एवढा विश्वास आहे !!

- श्रीपाद कोठे
नागपूर
रविवार, ३ नोव्हेंबर २०१९