तो ... ...

त्यांना ... ...
तो दु:ख सांगतो
त्यांना दुस्वास वाटतो,
तो त्रास सांगतो
त्यांना तक्रार वाटते,
तो आपबिती सांगतो
त्यांना आरोप वाटतो,
तो संवेदना बोलतो
त्यांना स्वाभिमानाला धक्का वाटतो,
तो आर्जव करतो
त्यांना आदेश वाटतो,
तो विश्लेषण करतो
त्यांना विरोध वाटतो,
तो मत मांडतो
त्यांना मागणं वाटतं,
तो विनोद करतो
त्यांना विकृती वाटते,
तो संवाद करतो
त्यांना संघर्ष वाटतो,
तो ... ...
त्यांना ... ...

- श्रीपाद कोठे
नागपूर
रविवार, ५ जानेवारी २०२०