शब्द वाचता वाचता
घ्यावा समजून थोडा
अर्थ पाझरता मनी
जसा पारिजात सडा...
शब्द नाहीत अक्षरे
किंवा मुंगळ्यांची रांग
नेत्रदारी रेखलेली
नाही मुळी ती आरास...
शब्द वाहणारा झरा
त्याने भागते तहान
मनातल्या ओंजळीने
त्याचे करावे प्राशन...
शब्द दिसतो तेवढा
पूर्ण कधी म्हणू नये
त्याच्या पाठी पोटी काय
पाहण्याला चुकू नये...
शब्द पारखून घ्यावा
शब्दे विश्वास धरावा
शब्दाशब्दात दाटला
पारा गोठवून घ्यावा...
शब्दातला अर्थपारा
जाऊ नये निसटून
त्याला घालून ठेवावे
भाव-बुद्धीचे कोंदण...
- श्रीपाद कोठे
नागपूर
बुधवार, ९ ऑक्टोबर २०१९
किंवा मुंगळ्यांची रांग
नेत्रदारी रेखलेली
नाही मुळी ती आरास...
शब्द वाहणारा झरा
त्याने भागते तहान
मनातल्या ओंजळीने
त्याचे करावे प्राशन...
शब्द दिसतो तेवढा
पूर्ण कधी म्हणू नये
त्याच्या पाठी पोटी काय
पाहण्याला चुकू नये...
शब्द पारखून घ्यावा
शब्दे विश्वास धरावा
शब्दाशब्दात दाटला
पारा गोठवून घ्यावा...
शब्दातला अर्थपारा
जाऊ नये निसटून
त्याला घालून ठेवावे
भाव-बुद्धीचे कोंदण...
- श्रीपाद कोठे
नागपूर
बुधवार, ९ ऑक्टोबर २०१९
कोणत्याही टिप्पण्या नाहीत:
टिप्पणी पोस्ट करा