खेळ

चल थोडं समजूत समजूत खेळू...
तू घाल माझी समजूत
मी घालेन तुझी समजूत,
सांग काही कारणे थोडी
तुझ्या वागण्याबोलण्याची
तुझ्या अबोल्याची, दुर्लक्षाची
दुखवल्याची, रागावण्याची
जुन्यापुराण्या साऱ्याची;
नाही बोलणार मी काही
सगळं सगळं करीन मान्य
खरं, खोटं
पटणारं, न पटणारं;
असंच सगळं मीही सांगेन
तूही नको बोलूस काही
मान्य कर माझं सगळं;
राग राग रागावून टाकू
दोष दोष देऊन टाकू
कारणे बिरणे देऊन टाकू
एकमेकांचं सारं काही
मान्य मान्य मान्य करू
सारं काही समजून घेऊ;
चल एकदा
समजूत समजूत खेळून घेऊ...
- श्रीपाद कोठे
नागपूर
मंगळवार, ३१ ऑगस्ट २०१८