किती युगांचा दुरावा
कसा सरता सरेना
काय विनवणी करू
काही काहीच कळेना
तुज नाही का आठव
नाही येत का भरते
काही हालचाल मग
कशी बरी न दिसते
किती शकुन काळ्याचे
किती घन साकळले
किती अधीर पाउले
सारे सारे व्यर्थ गेले
थोडी उचल नजर
जरा पाहा ना इकडे
काळजात लकाकू दे
काही स्मृतींचे काजवे
पुरे झाला आता खेळ
पुरे सारी धावपळ
आतबाहेर घुमू दे
ओंजळीतला ओंकार
- श्रीपाद कोठे
नागपूर
सोमवार, २३ जुलै २०१८
कोणत्याही टिप्पण्या नाहीत:
टिप्पणी पोस्ट करा