'काय शोधतोय?
वर्तुळाचा प्रारंभ?
की वर्तुळाची समाप्ती?
वर्तुळाच्या
कोणत्या बिंदूतून
कोणता बिंदू निघालाय?
दोन बिंदूंमधील
कोणत्या मोकळ्या जागेने
घातलाय पहिला बिंदू जन्माला?
की आणिक काही?'
'हो -
असंच काहीतरी...
पण समजत नाहीय
सुरुवात कुठून करावी...'
चालू दे शोध
कारण-
शोध घेताच येत नाही वर्तुळाचा
हे कळत नाही
शोधाचे अपार कष्ट घेतल्याविना...
- श्रीपाद कोठे
नागपूर
गुरुवार, ३ मे २०१८
कोणत्याही टिप्पण्या नाहीत:
टिप्पणी पोस्ट करा