आज ठरवलंच
बस्स झालं आता,
नाही करायचा
तुझा पाठलाग,
नाही लागायचं
तुझ्या मागे,
काय संबंध आपला?
काय दिलंय तू?
कशासाठी जाळायचं
मी स्वतः ला?
आता नाही घेणार नावही...
तोडून टाकलं स्वतःला
तुझ्यापासून
अन पहुडलो निवांत...
अन येऊ लागलं कानी
हृदयाच्या प्रत्येक ठोक्यातून
तुझंच नाव !!
त्याला गरजच नव्हती
माझ्या उच्चारण्याची...
- श्रीपाद कोठे
नागपूर
रविवार, २९ एप्रिल २०१८
कोणत्याही टिप्पण्या नाहीत:
टिप्पणी पोस्ट करा