पक्षी येतात अंगणात
कधीतरी
आणून टाकतात चोचीतून
कसल्या तरी
बिया, काड्या, कपटे, कचरा
अर्धवट खाल्लेल्या
एखाद्या जीवाचा
एखादा तुकडा
घाण किंवा काहीही;
किंवा आणतात सोबत
पायांना किंवा पंखांना चिकटवून
काही परागकण
अनोळखी झाडांचे
अन देतात विखरून
कुण्या अंगणात
झाडांच्या बदललेल्या
पाना फुलांची
आश्चर्यगंमत दाखवण्यासाठी;
कोणते पक्षी?
कसे पक्षी?
कुठले पक्षी?
सारंच अनोळखी...
भाळावर लिहितात
कधी त्रास, कधी वैताग
कधी आनंद, कधी आश्चर्य
.... .... .... ....
सगळंच कसं
आपल्या जगण्यासारखंच !
- श्रीपाद कोठे
शुक्रवार, ११ डिसेंबर २०२०
कोणत्याही टिप्पण्या नाहीत:
टिप्पणी पोस्ट करा