होऊ दे वाळवंट मनाचं...
दिवसा तापणारं
रात्री थंड होणारं,
दिवसा पावलं पोळली
तरी रात्री दाह निवंवणारं,
कधीही चिखल न होणारं
कसलाही डाग न लावणारं,
कधीही कोणतीही
पाऊलखुण मागे न ठेवणारं,
वादळानंतरही
पूर्वीसारखं राहणारं,
सुकणं हीच नियती असलेली
शापित फुलझाडं न फुलवणारं,
पाणीही न मागणाऱ्या
काटेरी झाडांना माया लावणारं,
कशातही न गुंतणारं
कशालाही न गुंतवणारं,
होऊ दे वाळवंट मनाचं...
- श्रीपाद कोठे
नागपूर
सोमवार, ४ फेब्रुवारी २०१९
कोणत्याही टिप्पण्या नाहीत:
टिप्पणी पोस्ट करा