झाडे म्हणजे प्रार्थना
ज्यांना नसतात शब्द
जी असते ओतप्रोत
जीवनजाणिवांनी
तुडुंब भरलेली...
रोज पहाटे
सृजनाचा आनंद सोहळा,
रोज सांजेला
विसर्जनाची शोकसभा
निर्लिप्तपणे पार पाडणारी
संवेदनपूर्ण शून्याकार झालेली
तदाकार प्रार्थना...
जी विचारीत नाही प्रश्न
उन्हा पावसात भिजणाऱ्या
प्राक्तनाला,
आपल्याच फळांचा
तुकडाही न चाखू शकणाऱ्या
ललाटरेषेला
रसमय तरीही शून्याकार झालेली
निर्लेप नि:शेष प्रार्थना...
झाडे असतात
अस्तित्व नसलेली
पण अस्तित्वाहून सत्य असलेली
एकाग्र प्रार्थना...
- श्रीपाद कोठे
नागपूर
मंगळवार, २९ जानेवारी २०१९
ज्यांना नसतात शब्द
जी असते ओतप्रोत
जीवनजाणिवांनी
तुडुंब भरलेली...
रोज पहाटे
सृजनाचा आनंद सोहळा,
रोज सांजेला
विसर्जनाची शोकसभा
निर्लिप्तपणे पार पाडणारी
संवेदनपूर्ण शून्याकार झालेली
तदाकार प्रार्थना...
जी विचारीत नाही प्रश्न
उन्हा पावसात भिजणाऱ्या
प्राक्तनाला,
आपल्याच फळांचा
तुकडाही न चाखू शकणाऱ्या
ललाटरेषेला
रसमय तरीही शून्याकार झालेली
निर्लेप नि:शेष प्रार्थना...
झाडे असतात
अस्तित्व नसलेली
पण अस्तित्वाहून सत्य असलेली
एकाग्र प्रार्थना...
- श्रीपाद कोठे
नागपूर
मंगळवार, २९ जानेवारी २०१९
कोणत्याही टिप्पण्या नाहीत:
टिप्पणी पोस्ट करा