रंगचक्र

हे रंगबिरंगी जीवन
ही निळी तयातील माया
त्या शुभ्र पटावर त्याची
हे चित्र रेखते तुलिका

चित्रातून वाहत जाती
रंगांच्या अल्लड सरिता
जाऊन पुन्हा मिळती त्या
पुनवेच्या शुभ्र समुद्रा
पुनवेची ढळते काया
उगवते पुन्हा ती माया
कृष्णघनातून हसती
कविता लुकलुकणाऱ्या
हे चक्र निरंतर फिरते
रंगांनी न्हाते, विरते
होऊन बाजूला कोणी
हाताशी भगवे धरते
ते भगवे विश्व तयाचे
जाते लयास नंतर
तुलिकेच्या अग्रातून तो
गाठतो भवाचे अंतर
- श्रीपाद कोठे
नागपूर
शुक्रवार, २२ मार्च २०१९