एकदा तो
उभा राहिला आरशापुढे
त्याला दिसले
चिखलाने भरलेले कपडे
चिखलाने रांगोळी काढलेला चेहरा
असे काहीबाही...
त्याने आरसाच फोडून टाकला;
पुन्हा एकदा तो
राहिला उभा आरशापुढे
त्याला दिसले
वाहते नाक, चिपडलेले डोळे
अस्ताव्यस्त केस
इत्यादी इत्यादी...
त्याने पुन्हा आरसाच फोडून टाकला;
आता तो
आरशालाच घाबरतो म्हणे...
- श्रीपाद कोठे
नागपूर
शनिवार, ८ एप्रिल २०१७
नागपूर
शनिवार, ८ एप्रिल २०१७
कोणत्याही टिप्पण्या नाहीत:
टिप्पणी पोस्ट करा