निष्कंप आठवांची
दारात भेट झाली
वाऱ्यात पश्चिमेच्या
चाहूल मंद झाली,
थोडी निशा उशाला
घेऊन सोबतीला
कोंदाटल्या मनाने
जळचंद्र निजला,
पाऱ्यात साठलेले
एकांत शांत झाले
वाटेत सावल्यांचे
डोळे भरून आले,
काळ्या छटा अनोख्या
शिल्पात स्वस्थतेने
गुंता तिच्या मनाचा
रेखून आज गेल्या,
आक्रोश पाखरांचे
नेत्रातूनी उडाले
रंगात गंधलेले
चैतन्य स्तब्ध झाले
- श्रीपाद कोठे
नागपूर
शुक्रवार, १४ एप्रिल २०१७
नागपूर
शुक्रवार, १४ एप्रिल २०१७
कोणत्याही टिप्पण्या नाहीत:
टिप्पणी पोस्ट करा