खूप जपून
तोडावी लागतात
अबोलीची फुले
खूप दाटीवाटीने
फुलतात ती
छोटी छोटी असतात
पाकळ्या मिसळून जातात
एकमेकीत
देठ लपून असतं
कळ्यांच्या गुच्छात
पडद्याआड लपलेल्या
लहानशा गोंडस मुलीसारखं
सारं काही तिच्या मनातल्या
भावनांच्या गुंत्यासारखं
कितीही काळजी घेतली
कितीही हळुवारपणे खुडलं
तरीही एखादी पाकळी तुटतेच
कधीतरी
अन मग भोगावे लागतात
नियतीच्या चुकांचे शाप
अबोली होऊन
- श्रीपाद कोठे
नागपूर
नागपूर
कोणत्याही टिप्पण्या नाहीत:
टिप्पणी पोस्ट करा