माणसे अशीही असतात

अंत्यसंस्काराच्या सामानाच्या दुकानाला
लागूनच असलेल्या
फळांच्या दुकानातून
त्याने घेतली केळीबिळी,
तिथेच बाजूला बसून
खाल्लीत सुद्धा ती फळे,
तो भिकारी नव्हता
माणसांचे वर्ग करणाऱ्या डोळ्यांना
सर्वसामान्य वाटावा असाच होता
पैसे देऊन त्याने घेतली होती फळे
भुकेने कासावीस झाला होता?
की,
जीवन, मरण असा भेद हरवलेला
वेडा? की, फरिश्ता?
-
-
-
माणसे अशीही असतात... ... ...
अंत्यसंस्काराच्या सामानाच्या दुकानाला
खेटूनच फळांचे दुकान लावतात
अन
तेथून फळे घेऊन खातात सुद्धा...

- श्रीपाद कोठे
नागपूर
रविवार, ५ फेब्रुवारी २०१७