सखीची अशी वेळ नादावणारी
अशब्दातुनी काय ती सांगते?
युगांच्या मुक्या सांजवेळी कशाला
तळ्याच्या तळाशी पाय घोटाळते?
उग्या बिल्वरांचे कल्लोळ भवती
दिशांची पिसे टोचती का मना?
मऊशार मातीत धास्तावलेल्या
दिशा गोठल्या पावलांच्या खुणा
अनामिक भीती उरे सोबतीला
जशी नाचणारी सावल्यांची भुते
निशापावलांची घेऊन चाहूल
सखीवेळ पंखातुनी सांडते
तळ्याच्या सभोती शिळा मांडलेल्या
कधी थांबली नाचणारी पावले?
घोंगावणारा अतिद्वाड वारा
समाधी तरी त्यांची ना भंगते
अशा दाट वेळी, फुलारून येती
धुके सारुनी, अंधुक पावाफुले
सखीच्या उरी दाटलेल्या स्वरांची
उदासीन, उत्फुल्ल तारादळे
अशी गारुडी, वेळ ही उन्मनीची
कशी लावते मन्मनाला पिसे
कधी धावणारी, कधी थांबणारी
सखीवेळ नि:शब्द सादावते
- श्रीपाद कोठे
नागपूर
शनिवार, १९ एप्रिल २०१४
अशब्दातुनी काय ती सांगते?
युगांच्या मुक्या सांजवेळी कशाला
तळ्याच्या तळाशी पाय घोटाळते?
उग्या बिल्वरांचे कल्लोळ भवती
दिशांची पिसे टोचती का मना?
मऊशार मातीत धास्तावलेल्या
दिशा गोठल्या पावलांच्या खुणा
अनामिक भीती उरे सोबतीला
जशी नाचणारी सावल्यांची भुते
निशापावलांची घेऊन चाहूल
सखीवेळ पंखातुनी सांडते
तळ्याच्या सभोती शिळा मांडलेल्या
कधी थांबली नाचणारी पावले?
घोंगावणारा अतिद्वाड वारा
समाधी तरी त्यांची ना भंगते
अशा दाट वेळी, फुलारून येती
धुके सारुनी, अंधुक पावाफुले
सखीच्या उरी दाटलेल्या स्वरांची
उदासीन, उत्फुल्ल तारादळे
अशी गारुडी, वेळ ही उन्मनीची
कशी लावते मन्मनाला पिसे
कधी धावणारी, कधी थांबणारी
सखीवेळ नि:शब्द सादावते
- श्रीपाद कोठे
नागपूर
शनिवार, १९ एप्रिल २०१४
कोणत्याही टिप्पण्या नाहीत:
टिप्पणी पोस्ट करा